Hoekstra ka shërbyer si ministër i Jashtëm holandez që nga viti 2022. Qeveria e koalicionit katërpartiak u rrëzua kohët e fundit mes mosmarrëveshjeve mbi politikën e migracionit.
Ministri i jashtëm në largim Wopke Hoekstra u emërua të premten Komisioner të BE-së, pasi shefi i BE-së për klimën Frans Timmermans dha dorëheqjen për të kandiduar në zgjedhjet e ardhshme holandeze.
“Pas konsultimeve brenda qeverisë dhe me presidentin e Komisionit Evropian, kam vendosur të paraqes Wopke Hoekstra si kandidat për Komisionin Evropian”, tha në një deklaratë kryeministri në detyrë Mark Rutte.
Hoekstra ka shërbyer si ministër i Jashtëm holandez që nga viti 2022. Qeveria e koalicionit katërpartiak u rrëzua kohët e fundit mes mosmarrëveshjeve mbi politikën e migracionit, shkruajnë mediat e huaja.
Ai ishte ministër i financave midis 2017 dhe 2022, duke përfaqësuar Holandën në negociatat për rimëkëmbjen financiare të BE-së pas pandemisë. Ai fitoi një reputacion në Bruksel si një nga kritikët më të zëshëm të barrës së përbashkët fiskale, duke mbledhur një grup vendesh të ashtuquajtura “të kursyera” për të kundërshtuar emetimin e borxhit kolektiv.
Hoekstra do të duhet të kalojë një seancë dëgjimore në Parlamentin Evropian përpara se të mund të marrë rolin. Timmermans dha dorëheqjen zyrtarisht nga Komisioni në fillim të kësaj jave dhe zëvendësimi i tij pritet të marrë stafetën e politikës klimatike të BE-së, megjithëse presidentja e Komisionit Ursula von der Leyen mund të vendosë t’i ndajë portofolin e klimës një Komisioneri tjetër.
