Një aksident i madh ka ndodhur pasditen e sotme në Uells pasi një autobus u përplas me një makinë në urën Clendow në Pembrokeshire.
Nga raportimet fillestare shoferi i makinës ka mbetur i bllokuar dhe disa pasagjerë kanë pësuar “lëndime të ndryshme”.
Sipas shërbimit lokal të zjarrfikësve dhe shpëtimit, aksidenti ka ndodhur në orën 14:19. Ekipet e shpëtimit përpiqen të nxjerrin shoferin dhe t’i ofrojnë ndihmën e parë kujtdo që ka nevojë.
Ambulancat dhe policia kanë shkuar në vendngjarje, ndërsa ura që lidh qytetet Pembroke dhe Neyland është mbyllur.
