Skuadra e Koeman ka triumfuar 2-1 në transfertë përballë irlandezëve
Mbrëmja e sotme e kualifikueseve të Euro2024 i buzëqesh Holandës, e cila arriti një fitore me përmbysje, 2-1 përballë Irlandës, duke qëndruar në ndjekje të Francës në Grupin B, e cila kryeson me pikë të plota. Nisi keq për Koeman dhe ekipin e tij, me penalltinë e Idah në minutën e 4-të që kaloi irlandezët në avantazh, por Dumfries ndizet në minutën e 18-të duke fituar një penallti, të transformuar nga Gakpo, për të firmosur 1-1. Në pjesën e dytë Koeman u rikthye në formacionin 4-2-3-1, duke futur Reijnders dhe Weghorst, dhe ia dha dobi: Dumfries shërbeu për Weghorst , i cili shënoi golin e fitores 2-1. Në ndeshjen tjetër të këtij grupi, Greqia ka arritur një fitore 5-0 ndaj Gjibraltarit.
Në Grupin H vazhdon të dominojë ekuilibri, Sllovenia ka mposhtur 4-0 San Marinon dhe mban vendin e parë me 13 pikë. Në kuotë të njëjtë pikësh është dhe skuadra e vendit të dytë, Danimarka që mposhti Filnlandën në shtëpi me rezultatin 1-0. Fitore 1-0 dhe për Kazakistanin që mposhti Irlandën e Veriut dhe që pozicionohet në vendin e katërt me 12 pikë, aq sa Finlanda e vendit të tretë.
Në Grupin G, Serbia ka arritur një fitore 3-1 në transfertë përballë Lituanisë duke e ngjitur në vendin e dytë në kuotën e 10 pikëve, aq sa Hungaria e vendit të parë. Mali i Zi, që mban vendin e tretë në grup, ka mundur 2-1 Bullgarinë.
