Komisioni Evropian po mendon vendosjen e sanksioneve të reja kundër Rusisë, kësaj rradhe duke ndaluar furnizimet me diamante ruse si, pasojë e luftës në Ukrainë.
Një vendim përfundimtar mbi ndalimin e propozuar nga Komisioni Evropian do të merret nga 27 vendet anëtare të BE-së në javët e ardhshme.
Diamantet e nxjerra në veri-lindje të Rusisë përdoren ende në unazat e fejesës, gjerdanët dhe vathët në të gjithë botën.
BE-ja e ka shmangur deri më tani një ndalim, kryesisht për shkak se Belgjika ka qenë e prirur të mbrojë qytetin e Antwerp: kryeqyteti i diamantit në botë.
Një e treta e diamanteve në botë janë nxjerrë në Rusi. Më shumë se 90% e diamanteve ruse prodhohen nga një kompani e vetme e quajtur Alrosa e cila është kryesisht në pronësi të subjekteve qeveritare ruse.
Prillin e kaluar, SHBA ndaloi importet e diamanteve të papërpunuara nga Rusia dhe vendosi sanksione ndaj Alrosa..”
Diamantet mund të ndryshojnë duart 20 deri në 30 herë midis minierës dhe tregut. Mungesa e gjurmueshmërisë është arsyeja pse tregtia është kaq tërheqëse për aktivitetin kriminal dhe pse kritikët thonë se një ndalim i BE-së është me pasoja.
Komplikimi kryesor është se 90% e furnizimit global të diamantit dërgohet jashtë vendit për t’u prerë dhe lustruar pavarësisht se ku është nxjerrë.
Shumica e këtyre diamanteve përfundojnë në fabrika në Indi. Dhe pasi diamantet janë të lëmuara dhe të gatshme për t’u transportuar, ato etiketohen si me origjinë indiane.
Analistët thonë se është thelbësore që ky boshllëk i madh të mbyllet. Por deri më tani, kryeministri indian Narendra Modi ka sfiduar Perëndimin për të zvogëluar lidhjet ekonomike me Kremlinin.
Kritikët besojnë se sanksionet e BE-së duke ndaluar furnizimet me diamante ruse do të kenë ndikim./BBC
