Një certifikatë e rreme e lindjes së kryeministrit kanadez Justin Trudeau u lëshua në Bangladesh nga Këshilli Rural Ahmedpur në nën-distriktin Sujanagar të rrethit Pabna.
Sipas dokumentit, Justin Trudeau, djali i Pierre dhe Margaret Trudeau, ka lindur më 25 dhjetor 1971 në Pabna dhe jo në Otava, Kanada.
Certifikata e rreme gjeti rrugën e saj në serverin kombëtar të Bangladeshit, nga i cili më pas u hoq, ndërsa u hap një hetim për këtë çështje.
Sipas rindërtimeve që qarkullojnë në mediat bengaleze “The Daily Star” dhe “Dhaka Tribune”, regjistrimi i certifikatës false të lindjes është kryer gjatë administrimit të përkohshëm të Ahmedpur, presidenti i të cilit Kamal Hossain Mia vdiq në fund të vitit të kaluar, dhe certifikata mund të jetë lëshuar nga operatori IT Niloy Hossain për një tarifë.
Për “New Age Bangladesh”, regjistrimi duket se daton në 1 janar 2007.Zëvendës komisioneri i Pabna, Mohamed Asaduzzaman, i dërgoi kërkesa për shpjegime presidentit të autoritetit lokal, Abdur Rouf dhe sekretarit Mohamed Awlad Hossain, i cili mohoi të ishte i përfshirë në falsifikim.
