Njoftimi i Mbretit Karli III se ai po përballet me kancerin shkaktoi një tronditje mbarëbotërore. Gjithçka filloi kur mbreti iu nënshtrua një procedure rutinë të ekzaminimit të prostatës, e cila më pas u shndërrua në një diagnozë të një forme të panjohur kanceri.
Që atëherë, monarku, 75 vjeç, i është nënshtruar trajtimit për kancer që nga shkurti. Por një person që parashikoi problemet shëndetësore të Mbretit Karli III ishte astrologia Debbie Frank, e cila punoi ngushtë me Princeshën Diana dhe kjo e fundit i besonte plotësisht asaj.
Debbie Frank tha për British HELLO!: “Çështjet shëndetësore mund të jenë një prioritet për Karlin dhe Camilla.
Ata do të duan të kursejnë energjinë e tyre për atë që është vërtet e rëndësishme dhe të kufizojnë udhëtimet dhe protokollin mbretëror ndërkombëtar, të cilat mund t’u kalojnë anëtarëve më të rinj të familjes mbretërore. Sidomos në dhjetor kur Marsi hyn në ashendentin e tij.”
