Qeveria amerikane i ka dhënë një fond prej 176 milionë dollarësh kompanisë Moderna-s për të zhvilluar një vaksinë kundër gripit të shpendëve.
Kjo masa vjen pasi SHBA kërkon që të jetë më e përgatitur për kriza të mundshme të shëndetit publik, pas mësimit që mori nga pandemia e koronavirusut.
Gripi i shpendëve nuk është një kërcënim i madh për njerëzit, pavarësisht përhapjes së tij të gjerë në shpendë dhe bagëti. Por ekspertët duan një vaksinë funksionale që mund të përdoret shpejt, në rast se virusi ndryshon dhe kthehet në problematik.
Vaksinat që përdorin mRNA, mbi të cilën bazohet gjithashtu ajo e kompanisë Moderna kundër Covid mund të prodhohen më shpejt dhe qeveria amerikane thotë se shtimi i kësaj teknologjie në paketën e saj të mjeteve të gripit pandemik rrit aftësinë e saj për të qenë i shpejtë kundër gripit të shpendëve.
Sipas Qendrës Amerikane për Kontrollin e Sëmundjeve, te njerëzit, virusi mund të shkaktojë simptoma që variojnë nga sëmundje të lehta, të tilla si infeksione të rrugëve të sipërme të frymëmarrjes dhe të syve, deri te sëmundjet potencialisht fatale si pneumonia.
