Në Bruksel, Sekretari i Përgjithshëm i NATO-s, Mark Rutte është pyetur në lidhje me tarifat e reja të SHBA.
Sipas mediave të huaja, kur u pyet për politikat, Rutte tha se ai ishte “i fokusuar ‘me lazer’ për t’u siguruar që ne t’i ruanim territoret e NATO-s të sigurta”.
“Nga kjo ne e kuptojmë se është një kërcënim afatgjatë dhe i qëndrueshëm, i pakëndshëm dhe kjo është Rusia, kjo është ajo që fokusi ynë duhet të jetë. Prandaj nuk po komentoj për tarifat”, tha ai më tej.
Kur u pyet se si tarifat e Donald Trump po ndikonin në financat e vendeve, duke çuar nw rritjen e inflacionit dhe për këtë arsye duke dëmtuar aftësinë e tyre për të shpenzuar në mbrojtje, Rutte tha: “Kjo është për politikën kombëtare dhe politikanët që duhet të lundrojnë dhe kjo është ajo që ata po bëjnë”.
“Unë nuk mendoj se po e ndihmoj këtë aleancë duke komentuar diçka që nuk është në të vërtetë pjesë e politikës së aleancës dhe kjo është të sigurohemi që ne mund të mbrohemi”, tha ai.
Megjithatë, Rutte tha se politikat e reja të shpallura nga Trump nuk shkelnin traktatet e NATO-s.
