Policia italiane sekuestroi mbi nëntë tonë mish nga Kina, që mendohet të jetë i infektuar nga virusi i gripit të derrit.
Policia italiane deklaroi sot se kishte sekuestruar 9,4 tonë mish derri, i importuar në mënyrë të paligjshme nga Kina dhe që mendohet të jetë i infektuar nga një virus kafshe.
Italia ndaloi importin për të penguar përhapjen e etheve të derrit afrikan, që ka prekur kafshët, por që nuk paraqet rrezik për shëndetin e njerëzve.
”Mish u sekuestrua në qytetin e Padovas, në veri të vendit, dhe ishte i destinuar për restorantet lokale kineze”, theksoi policia doganore e “Guardia di Finanza” në një komunikatë.
Ai ishte bashkuar me perimet dhe nuk ishte i ngrirë plotësisht, në shkelje të rregullave për sa i përket shëndetit dhe sigurisë për transportin e ushqimeve.
Sipërmarrësi kinez, i cili ka importuar mallrat, është raportuar në prokurori për tregti të mallrave të rrezikshme, përhapjen e sëmundjeve të kafshëve dhe kontrabandë./