Numri i viktimave në Nigeri sa vjen e rritet. BBC shkruan se numri i personave që mund të kenë ndërruar jetë prej përmbytjeve në qytetin Mokwa, mund të ketë shkuar në 700.
Vetëm sot, 2 qershor, u raportuan 200 të vdekur, ndërkohë që 500 të tjerë rezultojnë të zhdukur.
Autoritetet locale atje janë shprehur se “nuk ka shpresë në gjetjen gjallë të ndonjërit prej tyre”. Megjithatë, gërmimet për gjetjen e trupave do vijojnë së shpejti.
Ndërkohë, familjarë të viktimave kanë rrëfyer skenat e tmerrshme që kanë parë “teksa më të dashurit e tyre i merrte rrjedha e ujit me vete”. Pa marrë parasysh dëmet e shkaktuara në banesa apo biznese.
Përmbytjet, konsiderohen ngjarja më tragjike e ndodhur në Nigeri në 60 vjet. Reshjet dendura të shiut nuk janë të pazakonta në Nigeri, me një sezon të tërë që zgjat nga prilli në tetor. Edhe në 2024-ën, pati humbje në jetë e dëme kolosale. Po ashtu, në vitin 2022, më shumë se 600 njerëz humbën jetën dhe 1.3 milion banorë u detyruan të zhvendosen.
