Ministri i Mbrojtjes në detyrë, Ejup Maqedonci bëri të ditur se gjatë javës së kaluar kanë pranuar drone pa pilot AeroVironment RQ-20 Puma të prokuruara nga Shtetet e Bashkuara të Amerikës.
Përmes një postimi në rrjetin social në Facebook, Maqedonci ka shkruar se Ministria e Mbrojtjes prokurimin e Droneve pa Pilot “Puma” nga ShBA e ka realizuar përmes programit shtet më shtet të njohur si Foreign Military Sale (FMS). Pagesa për këtë sistem është realizuar në vitin 2021.
“DronetPuma krahas droneve tjera janë një kapacitet tjetër i nevojshëm për rritjen e aftësive të FSK në fushën e sistemeve ajrore pa pilot. Bashkëpunimi me ShBA në fushën e mbrojtjes po thellohet dhe zgjerohet vazhdimisht duke kontribuar në zhvillimin e ushtrisë tonë si dhe në arritjen e interesave të përbashkëta të dy vendeve tona”, ka shkruar Maqendonci.
