Marina e El Salvadorit ka sekuestruar 1,4 tonë lëndë narkotike që po transportoheshin në ujërat e Oqeanit Paqësor, në jug të vendit.
Ministri i Mbrojtjes, zëvendësadmirali René Merino, deklaroi se zbulimi i ngarkesës tregon se trafikantët kanë qenë të paralajmëruar për operacionet detare dhe e kanë braktisur dërgesën për t’i shpëtuar arrestimit.
Sipas autoriteteve, ngarkesa u gjet rreth 900 milje detare në jugperëndim të ishullit El Cordoncillo javën e kaluar. Prokurori i Përgjithshëm, Rodolfo Delgado, u shpreh se ky operacion është pjesë e hetimeve në vijim mbi rrjetet ndërkombëtare të trafikut të drogës.
Qeveria salvadoriane bëri të ditur se droga, me vlerë rreth 35 milionë dollarë, e çon në mbi 21 tonë sasinë e kapur në det gjatë vitit 2025. Që prej ardhjes në pushtet të presidentit Nayib Bukele, autoritetet kanë konfiskuar mbi 71 tonë substanca narkotike.
