Paris Saint Germain është kualifikuar në çerekfinale të Ligës së Kampioneve.
PSG në takimin ndaj Borussia Dortmundit në transfertë kishte humbur 2-1.
Ekipi parizies arriti të fitonte 2-0 në “Parc des Princes” dhe me rezultat të përgjithshëm 3-2, siguroi i pari biletën në raundin e 8 më të mirave.
Kualifikimi i skuadrës së drejtuar nga Thomas Thuchel u vendos që në pjesën e parë me golat e Neymar dhe Bernat, ndërsa në fraksionin e dytë vendësit arritën ta administronin rezultatin.
Me Kylian Mbappenë që e nisi ndeshjen nga stolit për arsye fizike, për zhbllokimin e rezultatin mendoi Neymar, që i shpëtoi mbulimit të mbrojtjes në momentin e ekzekutimit të këndores nga Di Maria, duke e dërguar lehtësisht topin në rrjetë.
Goli që i siguroi kualifikimin Parisit u shënua në minutën e parë shtesë të pjesës së parë nga Bernat, që devijoi për në rrjetë pasimin e Sarabias.
Dortmundi e mbylli takimin me 10 lojtarë, pasi Emre Can u ndëshkua me karton të kuq në fundin e sfidës.