Vërejtjet e Robert Redfield për Washington Post vijnë pasi provat e hidroksilorokinës nuk patën asnjë efekt ndaj virusit
Një drejtues i rëndësishëm i shëndetit publik amerikan paralajmëroi të martën se dimrin e ardhshëm mund të ketë një valë të re koronavirusi që mund të godasë SHBA-në dhe ajo mund të jetë “edhe më e vështirë” për Amerikën sesa shpërthimi i tanishëm.
Dhe në një goditje të dyfishtë për perspektivën për t’i dhënë fund pandemisë së koronavirusit, gjykimi nga SHBA për trajtimin e diskutueshëm që Donald Trump e cilësoi si “mrekulli” ka dhënë rezultate të dobëta.
Robert Redfield, drejtori i Agjencisë Federale të Qendrës për Kontrollin dhe Parandalimin e Sëmundjeve (CDC) paralajmëroi që dimrin e ardhshëm vala e re e koronavirusit do të përkojë me sezonin normal të gripit.
“Ekziston mundësia që sulmi i virusit në vendin tonë dimrin e ardhshëm në të vërtetë do të jetë edhe më i vështirë sesa ai që po kalojmë” tha Redfield, në një intervistë për Washington Post. “Ne do të kemi njëkohësisht epideminë e gripit dhe epideminë e koronavirusit dhe kjo do të çojë në një tendosje të paimagjinueshme në sistemin e kujdesit shëndetësor, ai i tha Postit.
Ai gjithashtu u pyet për numrin në rritje të protestave në disa prej shteteve amerikane kundër urdhrave të qëndrimit në shtëpi nga qeveritarët, me demonstrime të koordinuara në mediat sociale dhe prova të mbështetjes nga figura të djathta dhe aleatë të fuqishëm të Trump. Dhe në lidhje me thirrjet që shtetet të “çlirohen” nga kufizimet, të cilat i ka bërë jehonë edhe Donald Trump, Redfield tha në intervistë: “Nuk është e dobishme”.
Gjithashtu, studiuesit raportuan të martën se ilaçi për malarian i trumpetuar shpesh nga Trump për trajtimin e Covid-19 nuk dha asnjë efekt në analizën të madhe të përdorimit të tij në spitalet e veteranëve amerikanë. Kishte më shumë vdekje në mesin e atyre që u trajtuan me hidroksilorokinë sesa ato që u është dhënë kujdes standard.
Studimi mbarëkombëtar nuk ishte një eksperiment rigoroz. Por me 368 pacientë, është studimi më i madh i hidroksilorokinës, me ose pa azitromicinë për Covid-19. Deri më tani koronavirusi ka vrarë më shumë se 44,000 njerëz në SHBA.
Studimi është postuar në internet për studiuesit, por ende nuk është rishikuar nga shkencëtarë të tjerë. Grantet për punën u paguan nga Instituti Kombëtar i Shëndetësisë dhe Universiteti i Virxhinias.
Studiuesit analizuan të dhënat mjekësore të 368 veteranëve meshkuj të shtruar në spital me infeksion të konfirmuar të koronavirusit në qendrat mjekësore të Administratës Shëndetësore të Veteranëve, të cilët vdiqën ose u larguan nga 11 prilli.
Rreth 28% e pacientëve të cilët përveç kujdesit rutinë iu dha hidroksilorokina vdiqën, përkundrejt 11% të atyre që u trajtun vetëm me kujdesin rutinë. Po ashtu vdiqën rreth 22% e atyre që morën ilaçin e azitromicinës, por ndryshimi midis këtij grupi dhe kujdesit të zakonshëm nuk konsiderohej aq i madh sa të përjashtonte faktorët e tjerë që mund të ndikonin të mbijetuarit.
Po ashtu, hidroksilorokina nuk bëri asnjë ndryshim në nevojën për respiratorët e frymëmarrjes.
Trump e ka idealizuar vazhdimisht ilaçin dhe Administrata e Ushqimit dhe Barnave (FDA) ka siguruar hidroksilorokinën me një “autorizim të përdorimit të urgjencës” për t’u përdorur në disa rrethana te pacientët me koronavirus. Por FDA nuk ka kryer prova klinike për të konstatuar plotësisht nëse ilaçi është një trajtim efektiv për Covid-19. (The Washington Post)
