Mjekët paralajmëruan që sugjerimi i presidentit në lidhje me injeksionin e dezifenktantëve dhe ekzpozimin në rrezet utravioletë mund të ketë rezultate fatale.
“Nocioni i injektimit ose futja e çdo lloj produkti pastrues në trup është i papërgjegjshëm dhe është i rrezikshëm,” i tha NBC Dr Vin Gupta, pulmonolog dhe ekspert global i politikës shëndetësore. “Ajo është një metodë e zakonshme që njerëzit përdorin kur duan të vrasin veten.”
“Thithja e zbardhuesit me klor do të ishte absolutisht gjëja më e keqe për mushkëritë,” tha pulmonologu John Balmes për Bloomberg Neës. “Rrugët e frymëmarrjes dhe mushkëritë nuk janë bërë të ekspozohen madje edhe në një aerosol të dezinfektuesve.
“As hollimi i ulët i alkoolit dezinfektues ose izopropili nuk është i sigurt. Është një koncept tërësisht qesharak.”
Kjo nuk është hera e parë që këshillat mjekësore të Trump kanë ngjallur polemika dhe kritika.Ai më parë ka sugjeruar një ilaç për malarien, hidroksilklorin, pavarësisht mungesës së provave klinike.
Helmimi dhe rreziqet e vdekjes
Përdorimi i një dezinfektuesi mund të shkatërrojë viruse në sipërfaqe. Është ide shumë e mirë për të mbajtur të pastër gjërat që prekni, duke përdorur produkte me veti anti-mikrobike – për shembull, substanca me një përmbajtje të lartë të alkoolit.
Ekzistojnë gjithashtu disa prova që, në përgjithësi, viruset në sipërfaqe vdesin më shpejt kur ekspozohen drejtpërdrejt në rrezet e diellit. Por nuk e dimë se për sa kohë duhet të ekspozohen që rrezatimi UV të ketë një efekt, kështu që ju jeni shumë më të sigurt vetëm duke larë duart dhe sipërfaqet dhe duke u përpjekur të mos prekni fytyrën.
Një nga mënyrat kryesore të kapjes së virusit është frymëmarrja në pikat e dëbuara nga një person i infektuar, kryesisht nga teshtima dhe kollitja. Virusi shumë shpejt fillon të shumohet dhe përhapet, duke arritur përfundimisht në mushkëri.
Jo vetëm që konsumimi ose injektimi i dezinfektantit rrezikon helmimin dhe vdekjen, madje ka të ngjarë të mos jetë efektive.
Po ashtu, deri në kohën kur virusi ka hyrë brenda trupit tuaj, asnjë sasi e dritës UV në lëkurën tuaj nuk do të sjellë ndonjë diferencë.
Dhe meqenëse rrezatimi UV dëmton lëkurën, përdorimi i tij për të vrarë virusin mund të jetë një rast: kurimi është më i keq se sëmundja.
Në fillim të kësaj jave, Qendrat për Kontrollin dhe Parandalimin e Sëmundjeve paralajmëroi amerikanët që të jenë të kujdesshëm në pastrimin e produkteve pasi shitjet e dezinfektuesve shtëpiak rriten në mes të pandemisë.
Administrata e Ushqimit dhe Barnave e Sh.B.A ka paralajmëruar gjithashtu kundër gëlltitjes së dezinfektuesve, duke përmendur shitjen e kurave të mrekullive fals që përmbajnë zbardhues dhe qëllime për të trajtuar gjithçka, nga autizmi tek AIDS dhe hepatiti.
Javën e kaluar, një gjyqtar federal siguroi një urdhër të përkohshëm kundër një organizate, të njohur si Kisha e Shëndetit dhe Shërimit e Zanafillës II, për tregtimin e një prej këtyre produkteve si një kurë e mundshme koronavirus. / BBC-bota.al
