Giorgos Papachristos, i të përditshmes greke ‘Ta Nea’, argumentoi se rendja drejt Bashkimit Evropian sa herë që vendi ka një problem nuk është një zgjidhje.
Konflikti i Greqisë me Turqinë është një çështje që duket se nuk do të zgjidhet për një kohë të gjatë pasi pala turke është e vendosur për të mos hequr dorë nga kërkimet për naftë dhe gaz në Mesdheun Lindor. Së fundmi analistët grekë kanë paralajmëruar se qëndrimi i Athinës është mjaft problematik, në kulmin e tensioneve të vazhdueshme.
Ata thonë se Greqia mund ta humbasë luftën me Turqinë, duke shtuar se Europa është e “lodhur nga Athina”, ndërsa paralajmërojnë se interesat franceze në rajon mund të mos përputhen plotësisht me ato të Athinës. Giorgos Papachristos, i të përditshmes greke ‘Ta Nea’, argumentoi se rendja drejt Bashkimit Evropian sa herë që vendi ka një problem nuk është një zgjidhje.
“Ata janë të lodhur nga ne. Ne gjithmonë e kemi bindur veten se kemi të drejtë dhe Turqia e ka gabim, por duhet të jemi realistë.”- ka thënë Giorgos Papachristos.
Papachristos theksoi se Greqia ka dy mundësi. E para, një luftë afatshkurtër me Turqinë, në të cilën Turqia do të merrte ishullin e vogël të Kastellorizos. Opsioni i dytë sipas Papachristos është dialogu, nga i cili Greqia gjithashtu rrezikon “humbje të rëndë politike”.
Burimi: stagonnews
