Vaksinimi kundër Covid-19 ka filluar në shumë vende. Ditën e djeshme (11 janar) Organizata Botërore e Shëndetësisë (OBSH) paralajmëroi se imuniteti i popullsisë nuk do të arrihet këtë vit.
Vendet në të gjithë botën janë duke pritur që vaksinat më në fund t’i lejojnë ato të kthehen në normalitet në muajt e ardhshëm, por shefja e shkencës së OBSH-së, Soumia Sëaminathan ka paralajmëruar se do të duhet kohë për të prodhuar dhe administruar doza të mjaftueshme për të ndaluar përhapjen e virusit.
“Ne nuk do të arrijmë asnjë nivel të imunitetit të popullsisë në 2021”, tha ajo në një konferencë shtypi virtuale në selinë e OBSH-së në Gjenevë.
Ajo gjithashtu tha se masat parandaluese si distancimi fizik, mbajtja e maskave duhet të vazhdojnë për të parandaluar pandeminë.
“Duhet kohë për të rritur prodhimin e dozave, jo vetëm në miliona, por këtu ne po flasim për miliarda”, theksoi ajo, duke u bërë thirrje njerëzve që të jenë pak më të durueshëm.
