Një ngjarje tragjike ka tronditur pasagjerët e një treni, pasi një roje sigurie 26-vjeçar humbi jetën pasi ra nga një tren që po udhëtonte me rreth 75 milje në orë.
Sipas raportimeve, viktima dyshohet se u sulmua fizikisht nga persona të tjerë brenda trenit. Ai më pas u shty drejt dyerve të vagonit, të cilat u hapën dhe shkaktuan rënien e tij nga treni në lëvizje.
Ngjarja ka shkaktuar reagime të shumta, ndërsa autoritetet kanë nisur hetimet për të zbardhur rrethanat e plota të incidentit dhe për të identifikuar personat përgjegjës.
Familjarët dhe të afërmit e 26-vjeçarit janë shprehur të tronditur nga humbja e tij, ndërsa policia po vijon punën për mbledhjen e provave dhe sqarimin e dinamikës së ngjarjes.
