Një aksident i rëndë ka ndodhur në aksin Radishan-Prishtinë-Mirkovcë, të Maqedonisë së Veriut, ku katër persona kanë humbur jetën pas një përplasjeje të fuqishme mes një veture të tipit BMW dhe një kamioni me targa të Kosovës.Sipas informacioneve të deritanishme, përplasja ka qenë e fortë, sa që automjeti tip BMW u përfshi menjëherë nga flakët. Katër personat që ndodheshin brenda automjetit nuk kanë arritur të shpëtojnë, ndërsa makina është shkrumbuar pothuajse tërësisht.Ende nuk ka të dhëna të plota lidhur me gjendjen e drejtuesit të kamionit apo identitetin e viktimave. Forca të shumta policore, zjarrfikës dhe ekipe emergjente ndodhen në vendngjarje, ndërsa autoritetet kanë nisur hetimet për të zbardhur shkaqet dhe rrethanat e kësaj tragjedie të rëndë rrugore.
Share
Lexo më shumë
