Natën më të mirë me fanellën e Real Madridit, Vinicius Junior e ka zhvilluar javën e kaluar, duke bërë paraqitje mbresëlënëse kundër Liverpoolit, ku shënoi dy gola dhe Reali fitoi 3-1.
Paraqitja e mirë e Vini Jr nuk ka mbetur pa u vërejtur nga trajneri i “Redsave”, Jurgen Klopp.
Ai beson se Vinicius është një talent i jashtëzakonshëm, i cili pa asnjë dyshim, do të jetë rrezik për Liverpoolin edhe të mërkurën mbrëma në “Anfield”.
“Dihet përse e ka blerë Reali. Më ka impresionuar, jo befasuar, por impresionuar. Është një talent i jashtëzakonshëm”, u shpreh Jurgen Klopp.
