Arrestohet në Rinas Jamarbër Malltezi, dhëndri i Sali Berishës. Burime bëjnë me dije se ai është arrestuar për aferën e privatizimit të ish klubit Partizani. Pritet që të ketë arrestime të tjera në vijim në lidhje me këtë dosje. Disa ditë më parë Kreu i SPAK, Altin Dumani tha se po hetohet në mënyrë aktive për këtë aferë.
Malltezi akuzohet si përfitues direkt i kësaj prone si dhe drejtues të shtabit të ushtrisë shqiptare bashkë me administratorët dhe aksionerët e dy kompanive ndërtuese në atë kompleks. Prokuroria e Posaçme Kundër Korrupsionit dhe Krimit të Organizuar po e heton çështjen e privatizimit të kompleksit ‘Partizani’ për pastim parash.
