Kryeministri Edi Rama ka replikuar sot me deputeten Rudina Hajdari ne Parlament per paketen ligjore antishpifje qe pritet te miratohet sot ne Kuvend.
Hajdari i ka bere thirrje qeverise ta terheqin me urgjence ligjin sepse sipas saj e çon vendin drejt Putinizmit dhe Erdoganizmit.
“Jeni i lodhur se keni 6 vite në qeveri, që flisni pa fund, pa limit, dilni në cdo televizion shpikni cdo lloj platforme për të bërë propagandë me arrogancë që nuk është parë në vite. AMA, AKEP dhe KAA brenda AMA-s janë borde të kontrolluara nga politika. Edhe në kushtet që thoni ju dhe unë. Edhe krimineli ka të drejtat e tij, prandaj unë do të mbroj kushtetutën dhe këtë po kërkoj. E di se cfarë është bërë në këtë parlament dhe sa herë kam goditur.
Paketa antishpifje është një paketë që e con vendin drejt një putinizmi, ju kërkoj të tërhiqeni se s’duhet të jeë politika ajo që të kontrollojë mediat sot. Nuk kam nevojë fare të qani hallet e mia ashtu sic nuk dua të qaj hallet tuaja, unë qaj hallet e shqiptarëve”.
Nderkaq Hajdari tregoi edhe bisedën që kishte bere pak kohe me pare ne zyren e Presidentit me kreun e shtetit Ilir Meta.
Vetëm pak muaj më parë isha në zyrën e Presidentit dhe më tha ‘Rudina nuk ke bërë mirë, më ka ngelur hatri me ju’ Pse i thashë? ‘Sepse më ke goditur’.
I thashë edhe mua më ka ngel hatri me ju dhe kjo ndienjë është reciproke. E di pse i thashë? Se keni bërë një gabim fatal, i thashë ju duhet të ishit i pari njeri që duhet të më kishit thirrur në zyrë kur nuk dorëzova madnatin. Pse pritët 8 muaj të më thoshit bravo por lejuat që për 8 muaj PD e ndonje militant tjeter të më deligjitimonte mua si e bija e Azem Hajdarit?
Por prapë gjithësecili ka të drejtën e tij të shprehe fjalën e lirë, koha do jetë ajo që do i ndëshkojë ata që abuzojnë e shpifin gjatë gjithë kohës, ajo që do i tregojë të gjitha.
Përgjigja e kryeministrit Rama:
Zonja Hajdari, nëse do ta përmblidhja replikën në një fjali do i referohesha avokat Ngjelës që thoshte amanet mushkat por unë do them pak më shumë se kaq, së pari më nxore mallin e liderit legjendar të partisë tënde të vjetër që që kur e përdorte atë fjalinë je i lodhur ka ikur koha jote. Ju jeni e freskët zonja Hajdari por s’mendoj se është kjo mënyra për të bërë politikë të re sic pretendoni aq më tepër për të bërë politike të re duke mos lexuar ligjin për të cilin merr përsipër të flasësh se qartësisht s’e ke haberin fare të ligjit që ne sot do e miratojmë me gjithë keqardhjen qe të tërhiqemi urgjent sikundër na bën thirrje.
Të ngrihesh këtu e të më tregosh që këtu po ndodhka një gjëmë e madhe e po të them që krahuasur me vendet e BE është ligj limonatë, ku po të them që ne Gjermani të marrin shpirtin nëse guxon të shpifësh edhe s’di të japin pastaj llogari për shpifjen, është e tepërt, nuk e dua fare këtë ligj për veten time s’keni për të më parë mua të shkoj te AMA dhe nuk të mora sot në mbrojtje zonja Hajdari të solla si shembull të një keqkuptimi të madh se ti je në fakt një keqkuptim i madh se ndërkohë që flet për dicka që nuk e di je viktima tipike e gjësë për të cilën ligji merr masë. Ne s’mund të lëmë që kjo gjë të kthehet në standart e të bëhet trashëgimi kulturore e politikës shqiptare.
Mos më trego mua as OSBE as parlamentin evropian se unë këtu flas me përgjegjësi s’tregoj përralla sic tregon ti, ligji është i dakortësuar 100% me OSBE, i përputhur 100% me standartet ndërkombëtare.
Hajde na thuaj si ta bëjmë, hajde dil këtu e na thuaj hiqni këtë e vini këtë, ka 1 vit që ne merremi me kët, kemi bërë shumë konsultime ik e eja, hajde na e thuaj, ke dalë me një ide të re ? Apo gjithmonë ajo pllaka e gramafonit putinizmi, brockulla.
