FIFA ka bërë të ditur ndarjen përfundimtare të vazove për shortin e Botërorit 2026, i cili do të zhvillohet të premten e javës së ardhshme në Uashington D.C., më 5 dhjetor.
Në vazon e parë do të jenë tre vendet organizatore – Shtetet e Bashkuara, Meksika dhe Kanadaja – si dhe 9 skuadrat më të larta në renditjen botërore: Spanja, Argjentina, Franca, Anglia, Brazili, Portugalia, Holanda, Belgjika dhe Gjermania.
Një fokus i veçantë do t’u jepet skuadrave që do të kualifikohen përmes play-off-it europian, ku bëjnë pjesë edhe Shqipëria dhe Kosova. Në rast kualifikimi, të dyja do të renditen në vazon e katërt, së bashku me skuadrat e tjera nga play-off-i.
Ndarja e vazove për shortin:
Vazo 1: SHBA, Meksikë, Kanada, Spanja, Argjentina, Franca, Anglia, Brazili, Portugalia, Holanda, Belgjika, Gjermania
Vazo 2: Kroaci, Marok, Kolumbi, Uruguai, Zvicër, Japoni, Senegal, Iran, Kore e Jugut, Ekuador, Austri, Australi
Vazo 3: Norvegji, Panama, Egjipt, Algjeri, Skoci, Paraguai, Tunizi, Bregu i Fildishtë, Uzbekistan, Katar, Arabi Saudite, Afrikë e Jugut
Vazo 4: Jordani, Kepi i Gjelbër, Gana, Kurasao, Haiti, Zelandë e Re, 4 skuadra nga play-off-i europian, 2 skuadra nga play-off-i ndërkontinental
