Deputetët demokratë dhe socialistë kanë replikuar gjatë mbledhjes së Komisionit të Ligjeve kur po diskutohej pr.ligji “Për Agjencinë e Mbikëqyrjes në Sistemin e Ekzekutimit të Vendimeve Penale”.
Deputeti demokrat, Sajmir Korreshi tha se në burg disa hanë karkaleca e disa të tjerë bukë të mykur, duke thënë se ka ndasi mes të burgosurve.
Kaq ka mjaftuar që deputetja socialiste, Çaushi, ta ftojë të shkojnë të inspektojnë nga afër ambientet e burgjeve.
Diskutimi:
Korreshi: Disa burgaxhinj kanë edhe palestër, të tjerët flenë me turne. Në një dhomë me 8 vetë flinin 12. Luanin me letra sa të liroheshin krevatet. Ca hanë karkaleca, ca të tjerë hanë bukë të mykur.
Zegjine Çaushi: Të shkojmë të inspektojmë, të shohim situatën që ka ndryshuar.
Korreshi: Të këshilloj të mos shkosh.
Çaushi: Pse?
Korreshi: Të këshilloj të mos shkosh o Zegjine.
Manja: E ke pyetje apo diskutim.
Korreshi: E kam pyetje- diskutim, I jap dhe këshilla Zegjinesë të mos shkojë në burg.
Çaushi: Nuk do shkoj në burg unë, me ty bashkë ta inspektojmë.
Korreshi: Ik vetëm ti më mirë, nuk më do njeri mua atje.
