Rachel Reeves është bërë figura e parë e rëndësishme që largohet nga qeveria pas ardhjes së Andy Burnham në postin e kryeministrit të Britanisë së Madhe. Reeves ka lënë detyrën e kancelares së Thesarit (ministres së Financave) gjatë riorganizimit të kabinetit të ri.
Burnham, menjëherë pas hyrjes në Downing Street, ka nisur një ndryshim të madh të ekipit qeveritar, duke larguar disa nga aleatët më të afërt të ish-kryeministrit Sir Keir Starmer.
Përveç Rachel Reeves, nga qeveria janë larguar edhe:
- David Lammy, zëvendëskryeministër dhe ministër i Drejtësisë;
- Peter Kyle, ministër i kabinetit;
- Steve Reed, ministër i kabinetit.
Reeves tha se shërbimi në Thesar kishte qenë “privilegji i jetës së saj” dhe mbrojti punën e bërë nga qeveria e mëparshme, duke deklaruar se ekonomia britanike ishte më e fortë dhe më e qëndrueshme falë vendimeve të marra.
David Lammy tha se do të kishte qenë i gatshëm të vazhdonte në kabinet, por pranoi se një kryeministër i ri ka të drejtë të ndërtojë ekipin e tij.
Ndryshimet shënojnë hapin e parë të madh politik të Andy Burnham, i cili po përpiqet të vendosë drejtimin e tij mbi qeverinë e re pas largimit të ekipit të Keir Starmerit.
