Organizata e Kombeve të Bashkuara ka publikuar të dhënat e mbledhura gjatë vitit 2023 për turizmin në botë. Sipas listës së publikuar në faqen zyrtare të “UN Tourism”, shihen 20 vendet me impaktim më të madh në turizëm si dhe me performancën më të mirë në lidhje me turistët.
Vendin e parë e mban Serbia me një performancë +79% në rritje, që është dhe vendi i vetëm nga Ballkani Perëndimor në listë. Ndërkohë që fqinjët tanë Italia dhe Greqia ndodhen gjithashtu në listë me një rritje performance prej +17% dhe +12%.
Ndërkohë që vendin e dytë në listë e mban Pakistani, për sa i përket turizmit me +77% rritje, ndërkohë që ndiqet nga Turqia në vendin e tretë me +59%. Më pas vjen Rumania dhe Portugalia me përkatësisht +49% dhe +38% që mbyllin dhe top 5 vendet e para për sa i përket turizmit.
Por në listën e OKB-së për turizmin, vendi ynë nuk figuron fare. Edhe pse vitin që lamë pas, Shqipëria pati një bum turistik, mesa duket për Kombët e Bashkuara, kjo nuk është e mjaftueshme. Ndërkohë që kryeministri Edi Rama e quan arritje të qeverisë së tij, turizmin në Shqipëri, sondazhi i OKB-së tregon se kjo ka qenë vetëm një flluskë sapuni./DOSJA
