Ndërron jetë 57 vjeçari i cili u plagos dje nga flakët në fabrikën e tullave në Maminas të Shijakut.
Ndërkohë është arrestuar përgjegjësi teknik i fabrikës së tullave.
Njoftimi i policisë:
Specialistët për Krimet në Komisariatin e Policisë Shijak kanë arrestuar në flagrancë shtetasin B.Z., 67 vjeç, banues në Tiranë, me detyrë përgjegjës teknik në fabrikën e tullave në Maminas, pasi nga zjarri i rënë ditën e djeshme në këtë fabrikë, si pasojë e mos respektimit të rregullave të mbrojtjes në punë u lëndua nga zjarri shtetasi B.B., 57 vjeç, banues në Tiranë, i cili ndërroi jetë mëngjesin e sotëm në QSUT Tiranë.
