Ministria e Shëndetësisë ka bërë të ditur se deri tani në Kosovë 160 mijë e 410 persona janë vaksinuar kundër COVID-19.
Sipas kësaj ministrie, në 24 orët e fundit në vend, 1 mijë e 365 persona kanë marrë vaksinën kundër këtij virusi.
Ndërsa, deri tani 32 mijë e 975 persona janë vaksinuar me dy doza të vaksinës.
“Në 24 orët e fundit janë dhënë 1.365 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 160.410 doza të vaksinës. Deri më sot 32.975 qytetarë janë vaksinuar me dozën e dytë”, është thënë nga kjo ministri.
Kujtojmë që nga 15 qershori në Kosovë ka filluar zbatimi i Planit për Vaksinim Masiv në Kosovë.
Megjithëse, nga ajo ditë ka pasur kritika se numri i pacientë që po vaksinohen në vend është i ulët.
