Roja bregdetare shqiptare ka shpëtuar 8 persona gjatë orëve të para të mëngjesit të sotëm.
Pas një avarie në motor, anëtarët e bordit kanë kërkuar ndihmë duke lëshuar sinjalin SOS.
Pas marrjes së sinjalit, anija e gatshme në Sazan P-116 ‘Bora’ është angazhuar menjëherë për dhënien e ndihmës.
Forcat e shpëtimit janë afruar pranë jahtit i cili ndodhej 22 milje detare në veri-perëndim të ishullit të Sazanit duke bërë të mundur shpëtimin e tyre. Jahti u dërgua në portin e Vlorë pa probleme rreth orës 04:10.
