Hakerat që dyshohet të jenë pas një sulmi zhvatjeje që preku qindra kompani në mbarë botën të dielën kërkuan 70 milionë dollarë shpërblim për t’i rikthyer të dhënat që ata mbajnë, sipas një postimi në një faqe në internet.
Kërkesa u postua në një blog të përdorur zakonisht nga banda e krimit kibernetik REVil, një grup i lidhur me Rusinë që llogaritet në mes të zhvatësve më të mëdhenj të botës së kriminelëve kibernetikë.
Banda ka një strukturë të lidhur, herë pas here e bën të vështirë për të përcaktuar se kush flet në emër të hakerave, por Allan Liska i firmës së sigurisë kibernetike Recorded Future ka thënë se mesazhi “pothuajse me siguri” erdhi nga udhëheqja thelbësore e REvil.
Sulmi i ransomware i REvil, të cilin grupi e përfundoi të premten, ishte ndër më dramatikët në një seri sulme kibernetike kohëve të fundit.
Banda u fut në Kaseya, një firmë e teknologjisë së informacionit me bazë në Miami dhe përdori aksesin e tyre për të shkelur disa nga klientët e saj, duke vendosur një reagim zinxhir që paralizoi shpejt kompjuterët e qindra firmave në të gjithë botën.
Një ekzekutiv në Kaseya ka thënë se kompania ishte në dijeni të kërkesës për shpërblim, por nuk ktheu menjëherë mesazhe të tjera që kërkonin komente.
Shtëpia e Bardhë i ka ofruar ndihmë kompanive të prekura nga ky sulm kibernetik.
Të goditurit përfshinin shkolla, organe të vogla të sektorit publik, organizata të udhëtimit dhe kohës së lirë, unionet e kreditit dhe llogaritarët, ka thënë Ross McKerchar, zyrtari kryesor i sigurisë së informacionit, njoftojnë mediat e huaja.
Hakerët që po dëshirojnë të zhvatin para po përqendrohen në objektive me vlera të lartë, siç është paketuesi brazilian i mishit JBS, prodhimi i të cilit u ndërpre muajin e kaluar kur REvil sulmoi sistemet e tij. JBA përfundoi duke paguar 11 milionë dollarë shpërblim.
Liska beson se hakerat kishin kafshuar më shumë sesa mund të përtypnin duke përzier të dhënat e qindra kompanive në të njëjtën kohë dhe se kërkesa prej 70 milionë dollarësh ishte një përpjekje për të bërë më të mirën e një situate të vështirë.
