Policia e Kosovës është duke mbajtur ushtrime të përbashkëta me kolegët e tyre nga Shqipëria dhe Mali i Zi në qytetin e Plavës.
Ushtrimet janë mbajtur nga dta 19 korrik dhe pritet të përfundojnë sot.
Fokusi i këtyre ushtrimeve në terren ishte luftimi i krimit ndërkufitar, ndërsa motoja ishte “Të shërbejmë përmes miqësisë”(Servi per amici).
“Qëllimi i këtyre ushtrimeve ishte që të rritej efiçienca për parandalimin, gjetjen dhe goditjen e krimit, që mund të zhvillohet mes kufirit të këtyre tre shteteve që po marrin pjesë në këto ushtrime”, thuhet në deklaratën zyrtare të Policisë.
