Xhudistja e Kosovës, Distria Krasniqi ka fituar edhe ndeshjen e dytë për të kaluar në çerekfinale të Kampionatin Botëror të xhudos që po mbahet në mbahet në Tashkent të Uzbekistanit.
Distria Krasniqi ka fituar pa shumë vështirësi edhe ndeshjen e dytë të ditës të vlefshme për raundin e tretë të kategorisë deri në 52 kilogramë.
Kësaj radhe, xhudistja jonë e mposhti italianen Giuffrida Odette, e cila mori tri penalizime.
Me këtë fitore, pejania ka arritur të sigurojë çerekfinalen, ku do të përballet me xhudisten nga Mongolia, Khorloodoi Bishrelt.
Ndryshe, Distria po udhëhiqet nga ish-bashkë-lojtarja, trajnere Majlinda Kelmendi.
