Këngëtari shqiptar Ermal Meta, i cili karrierën e tij e ka ndërtuar në Itali, ku dhe ka korrur një sukses të jashtëzakonshëm, së fundmi ka lançuar këngën e tij me të re ““Mos shkakto më dhimbje”.
Në prezantimin e këngës së tij të re, Meta ka folur për lirinë personale, e cila është tematikë e këngës.
Kënga trajton dhunën ndaj grave dhe femrave duke përcjellë mesazhin që ky fenomen duhet të marrë fund dhe thekson se kufizimi i lirisë së njeriut është i patolerueshëm.
Mediat italiane, raportojnë se këngëtari shqiptar, ka patur reagime të shumta në lidhje me feminicidin, ku rasti më i fundit ka qenë për çështjen “Giulia Cecchettin”, përdhunimi i një vajze.
Meta thekson se mashkulli është i keq, por sipas tij bota bazohet në figurën mashkullore dhe nënshtrimin e femrës.
“Disa nga këto raste fitojnë mbulim mediatik, të tjerat më pak. Rasti i Giulia-s ka goditur shumë të rinjtë, sepse ata i kuptojnë ëndrrat e saj, por të gjitha këto gra janë viktima të një lufte të heshtur që vazhdon prej dekadash. Nuk është se mashkulli është i keq, por bota që kemi ndërtuar për veten tonë bazohet në figurën mashkullore dhe nënshtrimin e femrës. Dënimet janë të dobishme, por duhet ndërtuar një edukim sentimental, i cili duhet të vijë nga arti. Ndjenja e së bukurës duhet të mësohet”- është shprehur këngëtari Meta.
Dueti me Jake La Furia, ish-Club Dogo së bashku me Guè, veçanërisht për një artiste si ajo që është distancuar gjithmonë nga çdo formë shprehjeje shumë e vrazhdë, mund të jetë befasuese.
“Ai është një person i mirë, kur e takova menjëherë doja ta përqafoja, ka një ndjeshmëri të madhe. Më pëlqeu ideja e përfshirjes së një muzikanti në dukje të largët nga bota ime, edhe nëse artistët janë të gjithë të lidhur me një fije të kuqe të padukshme. Sa i përket temës së tekstit, besoj se censura është gjithmonë negative. Arti nuk bën gjë tjetër veçse pikturon realitetin, në vend të fjalëve të këngëve duhet të fokusohemi në kontekstin në të cilin jetojmë. Një autor nuk duhet gjykuar nga ajo që prodhon: Guernika e Pikasos është një vepër me ndikim të dhunshëm, por është fotografia e një momenti dramatik. Nuk duhet të gjykojmë shkrimtarin, por pusin nga i cili ai nxjerr”,- është shprehur ai.
