CEO i OpenAI Sam Altman, ka paralajmëruar se Inteligjenca Artificiale mund të përdoret për të ndikuar te votuesit amerikanë në zgjedhjet e vitit 2024.
Një shqetësim i bashkëthemeluesit të OpenAI, Altman është se teknologjia mund të përdoret për të skanuar postimet e votuesve në mediat sociale dhe më pas të shënjestrohen me dezinformata të personalizuara, të krijuara nga AI që mund të ndryshojnë preferencat e tyre të votimit.
Altman, firma e të cilit qëndron pas ChatGPT, beson se AI “do të jetë teknologjia më e fuqishme që njerëzimi ka shpikur” dhe se ajo do të krijojë mjete të fuqishme për ata që kërkojnë të ndikojnë në zgjedhje, duke mundësuar teknika shumë më të sofistikuara se ato që janë aktualisht në dispozicion.
Altman, duke folur pasi u emërua CEO i vitit i Time, paralajmëroi se si AI mund të fuqizojë fermat e llogarive të rreme në përpjekjet e tyre për të ndërhyrë në zgjedhje.
“Ajo mund të krijojë meme të mrekullueshme, dhe ato përhapen dhe të gjithë ne shohim të njëjtën gjë në Facebook ose Twitter. Kjo do të vazhdojë të ndodhë dhe të përmirësohet. “Por gjëja për të cilën jam më i shqetësuar është po sikur një AI lexon gjithçka që keni shkruar në internet, çdo tweet, çdo artikull, çdo gjë?
Kjo është një metodë e re ndërhyrjeje që nuk ishte e mundur përpara Inteligjencës Artificiale sipas tij.
