Sigfrido Ranucci, autori i programit “Report” i Rai3, me një eksperiencë 25 vjeçare, pas polemikave mes drejtuesve të Rai dhe Edi Ramës do të flasë në orën 19:15 në Syri Tv për Armela Ferko, në edicionin qëndror të lajmeve.
Sigfrido Ranucci pritet të hedhë dritë mbi polemikat e fundit që kanë shpërthyer pas investigimit të Rai-t në lidhje me marrëveshjen Rama-Meloni për refugjatët.
Intervista ekskluzive e Ranucci vjen pas deklaratave fyese të Ramës ndaj mediave italiane dhe Syrit. Autori i programit investigativ, një nga programet më serioze dhe influente në Itali, pritet të hedhë dritë mbi të thënat e të pathënat e kësaj polemike.
Report në RAI3, emision që transmetohet të dielën, pritet që të publikojë të tjera detaje në emisionin e rradhës, ndërkohë që në pjesën e parë u hodh dritë jo vetëm mbi marrëveshjen Rama-Meloni për kampet e refugjatëve, por edhe mbi lidhjet mes krimit dhe qeverisë.
