Inteligjenca Artificiale (AI) mund të jetë çelësi për transformimin e vendit të punës – por si mund t’ju ndikojë? Nëse puna juaj përfshin detyra të automatizuar ose repetitive, ndikimi mund të jetë i madh, shkruan BBC.
Hulumtimi ka sugjeruar se një milion vende pune në Londër do të mund të ndryshoheshin prej AI-së, duke prekur më shumë se 200 mijë agjentë reklamash nëpërmjet telefonave, 150 mijë kontabilistë dhe më shumë se 95 mijë specialistë të të dhënave.
Hulumtimi i kryer nga kompani online e rezymeve personale “LiveCareer” për Britani. Ka treguar se vendet e punës që rrezikojnë përfshijnë punëtorët e ushqimit të shpejtë dhe të depove, arkëtarët e bizneseve me pakicë, asistentët ligjorë dhe korrektorët.
Me këtë është pajtuar firma konsulent “McKinsey”, duke theksuar se numri i reklamave për vende pune të cenuara prej ndikimit të AI-së ka rënë për 38% krahasuar me tre vjet më parë.
Gratë janë identifikuar se përballen me rrezik më të madh se burrat, sepse ato bëjnë punë që më shumë mund të ndikohen prej inteligjencës artificiale.
Jasmine Escalera, eksperte në “LiveCareer”, ka thënë se kompanitë duhet ta shqyrtojnë këtë seriozisht dhe të shmangin krijimin “pa dashje” të pabarazisë gjinore duke përdorur inteligjencën artificiale.
Ajo ka thënë se është e rëndësishme që të shqyrtohet ideja dhe të konsiderohet sesi AI-ja ka nisur të ndryshojë rolet tashmë, dhe sesi mund të ndryshojë edhe në të ardhmen.
“Zhvillojeni një bisedë të hapur me menaxherin tuaj se çfarë mund të bëni që të jeni komplimentar me ndryshimin”- ka këshilluar ajo.
Në Shërbimin Kombëtar të Shëndetit ka nisur përdorimi i AI-së që të ndihmohet personeli, por jo që të zëvendësohen punëtorët.
Në spitalin “Mbretëresha Elizabetë”, ilaçet shpërndahen prej një roboti dhe administrohen prej personelit klinik.
AI-ja përdor të dhënat për të pasur pasqyrën sesa ilaçe duhen që të sigurohet funksionimi i mirëfilltë i spitalit.
Qeveria britanike e ka bërë AI-në pjesë kyç të strategjisë dhjetëvjeçare për Shërbimin Kombëtar të Shëndetit. Strategjia përfshin trajnimin e stafit se çfarë pune mund të bëj dhe si mund ta bëj AI-ja.
