Kombëtarja e Kosovës në futboll sot ndeshet në takim miqësor me Kombëtaren e Danimarkës.
Ndeshja zhvillohet në Stadiumin “Fadil Vokrri” nga ora 19:00, raporton KosovaPress.
Danimarka është njëra nga kombëtarët më të mira, pasi zë vendin e 10-të në renditjen botërore.
Kjo ndeshje vlerësohet si një test i vërtetë i Kosovës para zhvillimit të ndeshjes kualifikuese për “Euro 2020” ndaj Bullgarisë më 25 mars në Prishtinë.
Kosova hynë në këto dy ndeshje pa pësuar asnjë humbje në vitin 2018, ndërsa lojtarët e saj janë duke kaluar në formën më të mirë në klubet e tyre.
