Pas përfundimit të mbledhjes së kryesisë së LDK, i mandatuari nga kjo forcë politike Avdullaj Hoti bëri publike emrat e minstrave që do jenë pjesë e kabinetit të ri qeverisës.
I pranishëm ishte dhe kryetari i LDK-së Isa Mustafa, i cili tha se kjo qeveri e re do të jetë me mandat të plotë dhe jo një qeveri tranzitore.
“Ne po punojmë që Kosova të ketë një qeveri të re. Kjo qeveri e re do të punojë me pritje për mandatin e plotë. Në qoftë se subjeketet politike në Kuvend dhe LDK në vazhdim të punës së kësaj qeverie shikon ndonjë interes tjetër të vendit, ne mund të bisedojmë me partnerët e koalicionit, edhe me subjekte të tjera politike në parlament. Ne nuk e konsiderojmë si qeveri tranzicioni. Ne e konsiderojmë si qeveri me mandat të plotë, e cila merr detyrat në bazë të asaj çfarë kushtetuta e Kosovës parashikon”, tha Mustafa.
Kurse, Avdullah Hoti ka dhënë emrat e zyrtarëve që do drejtojnë dikasteret përkatëse.
Emrat dhe postet e ministrave të LDK-së
Driton Selmanaj – Zëvendëskryeministër
Hykemte Bajrami – Ministër i Financave
Anton Quni – Ministër i Mbrojtjes
Vlora Dumoshi – Ministre e Kulturës, Rinisë dhe Sportit
Agim Veliu- Ministër i Punëve të Brendshme
Arban Abrashi- Ministër i Infrastrukturës dhe Ambientit
Armend Zema j – Ministër i Shëndetësisë
Besian Mustafa – Ministër i Bujqësisë
Në fjalën e tij, Hoti tha se qeveria e re do të ketë në fokus disa çështje kryesore si lufta e pandemisë, rimëkëmbja ekonomike, dialogu me Serbinë dhe forcimi i shtetit ligjor.
