Ish-ndërmjetësuesi special i SHBA’së për dialogun Kosovë-Serbi, Richard Grenell, është listuar nga motori i kërkimit ‘Google’ si “president aktual” i Shteteve të Bashkuara.
Si vijimësi e kësaj, Grenell njoftoi për “urdhra ekzekutivë”, duke përfshirë kërkesën që të ndërtohej një terminal i gazit natyror në bregun perëndimor të Shteteve të Bashkuara dhe ndërtimin e termocentraleve të reja bërthamore në Kaliforni, raporton The Guardian.
Përveç si president, ‘Google’ përshkruan Richard Grenell si kandidat i mundshëm për guvernator të Kalifornisë, ndonëse nuk i është zyrtarizuar kandidatura.
Siç thotë mediumi britanik, ish-ushtruesi i detyrës së drejtorit të Inteligjencës Kombëtare të SHBA’së duket se ka më shumë gjasa të kandidojë për shtetin në fjalë. Në shkurt, Grenell u raportua të ketë diskutuar për kandidim me ish-presidentin amerikan Donald Trump.
